#懶人食譜 最近煮飯要諗煮乜，仲要諗埋第二日帶午餐盒入面帶乜餸，帶得嘅都係之前一晚食過嘅野。諗起之前買咗支茅乃舍嘅日式燒肉汁，昨晚煮涼瓜時又用剩半個洋蔥，於是快手又響冰箱拎左包韓國植物牛肉Unlimeat出嚟解凍，煮個快靚正嘅日式素牛蓋飯。
呢排好鍾意煮韓國植物牛肉 Unlimeat秀牛！呢款牛無論肉質同賣相都好似牛肉，最適合唔食牛嘅人過吓口癮。另外日本茅乃舍嘅出品都好優秀，呢支燒肉汁入面無肉嘅佢份，全部都以蔬菜提煉出甜味，加埋醇香醬油，所以味道都同響日本去食燒肉嘅燒汁無分別，煮完出來牛肉味道偏甜，細路仔應該都會幾鍾意，用黎煮日式牛肉飯仲幾有響日本食嘅感覺。
講返食譜，撇開要解凍個植物牛肉之外，煮嘅時間只需十分鐘，洋蔥我鍾意先炒香至半軟身盛起，最後再回鑊，咁樣口感會爽啲。同埋有啲人唔鍾意燒汁太甜，可以加水溝淡啲。另外，燒汁已經好夠味，通常都唔洗再調味。係咪好簡單先？
立即Follow我的Instagram @mrswongskitchen
Search